O Cetur e a Asociación de Hostalería de Compostela presentan as actividades de celebración do Día Mundial do Turismo

O director do Centro de Estudos e Investigacións Turísticas da USC, Xosé Manuel Santos Solla, presentará este mércores 21 acompañado do director de Comunicación de Hostalería Compostela, Aser Álvarez, as actividades previstas para celebrar o Día Mundial do Turismo. Na rolda de prensa, que terá lugar ás 11.30 horas no Centro de Formación e Cultura de Hostalería Compostela (rúa Salvadas 29-31. Santiago) darán conta de diversas sesións de debate con expertos a desenvolver a vindeira semana no Centro de Estudos Avanzados da USC.