A Gala do Atletismo Galego premiará a tempada 2009-2010 da USC

A sección de atletismo da USC que dirixe Iván Sanmartín será galardoada na Gala do Atletismo Galego que terá lugar o 10 de decembro en Lugo en recoñecemento á súa traxectoria na temporada 2009-2010, na que destacan varios títulos de campións galegos e estatais en diferentes categorías e disciplinas. Así mesmo, e a nivel individual, tamén serán premiados os atletas veteranos da USC Manuel Vigo Otero -subcampión de España de Campo a través na categoría M45- e Xosé Luís Otero Cepeda -campión de España de 3000 m en pista cuberta e campión de España de Campo a través na categoría M55-. Por último, tanto Xosé Luís Otero Cepeda como Manuel Bello García están nomeados ao título de mellor atleta veterano galego do ano.