O grupo de posgrao da Facultade de Física da USC celebra o seu décimo encontro cunha observación astronómica

O grupo de posgraduados e posgraduadas da Facultade de Física da USC (DOC-MEET) celebra este mes de maio a súa 10ª charla. Para festexar esta ocasión o mércores, 19 de maio, organizan unha observación astronómica nos arredores da Facultade na que contan coa colaboración do programa da USC Astronomía na beirarrúa que coordina o profesor Salvador Bará, do Clube Vega e da Asociación Sirio. Será en torno ás 22:00 horas.
Todas estas actividades organizadas polo grupo da Facultade de Física están abertas á asistencia de persoal posgraduado do centro e doutros da universidade interesados.