Presentación da programación de cursos de verán da USC

A Universidade de Santiago ten programados para este ano un total de 38 cursos de verán a desenvolver en dezaseis emprazamentos distintos da xeografía galega. Os detalles da Universidade de Verán 2010 presentaranos en rolda de prensa este xoves 20, ás 11:00 horas na Sala de Prensa do Colexio de Fonseca, a vicerreitora de Cultura, Elvira Fidalgo, e o director da programación, Pablo Sampedro.
Cunha ampla e variada temática, os cursos desenvolveranse nos meses de xullo e setembro en Compostela, Lugo, Muros, Sarria, Guitiriz, Vilagarcía de Arousa, Caldas de Reis, Castro de Rei, Foz, Forcarei, Lalín, Monforte de Lemos, Ordes, Pontedeume, Ribadeo e Triacastela.