A USC proxecta seis títulos representativos da produción documentalista catalá da última década

A Área de Catalán da USC en colaboración co Cefilmus trae a Santiago a vindeira semana seis cintas representativas da produción documentalista catalá da última década. O espazo escollido para as proxeccións, do 1 ao 6 de xuño, é a Fundación Caixa Galicia.
O Ciclo de Documentais Cataláns inclúe os títulos Mirant al cel, de Jesús Garay; Bucarest, la memòria perduda, deAlbert Solé; Ich Bin Enric Marco, de Santiago Fillol e Lucas Vermal; Bolboreta, mariposa, papallona, de Pablo García; La revolta permanente, deLluís Danés; e Mones com la Becky, deJoaquim Jordà e Núria Villazán.
Ademais das proxeccións e coloquios diarios, o ciclo contará coa presenza de dous dos directores dos filmes: Albert Sole, director de Bucarest, la memòria perduda, xornalista e fillo do político Jordi Solé Tura, e Santiago Fillol, director de Ich bin Enric Marco e profesor de cine da Universidade Pompeu Fabra.