O antigo Hospital Provincial a través da cámara de Fuco Reyes

Baixo o título ‘Larga lista de espera’ o fotógrafo Fuco Reyes presenta na Universidade de Santiago unha serie de documentos gráficos que dan conta do paso do tempo no antigo Hospital Provincial de Santiago.

A exposición inaugurarase este mércores 10 ás 19:00 horas na cafetaría da Facultade de Ciencias da Comunicación. Ademais do propio artista asisten ao acto o vicerreitor de Cultura, Javier Garbayo, e o decano do centro, José Pereira.