Comeza no Campus de Lugo a segunda fase da campaña universitaria de colecta de sangue

O Servizo de Participación e Integración Universitaria da Vicerreitoría da Comunidade Universitaria e Compromiso Social inicia este martes 3 en Lugo a segunda fase da campaña universitaria de colecta de sangue. A primeira unidade móbil permanecerá estacionada diante da Escola de Formación de Profesorado, das 9:30 horas ata as 14:30 horas.
O servizo coordinador da campaña pide que se realice un esforzo para relanzar as doazóns de sangue entre a comunidade universitaria neste segundo cuadrimestre do curso 2008-2009.