O reitor Senén Barro presenta o luns a oferta académica e o proceso de matrícula da USC para o vindeiro curso

O reitor da Universidade de Santiago de Compostela, Senén Barro Ameneiro, presentará en rolda de prensa o luns 22 a oferta académica e o proceso de matrícula na institución docente para o vindeiro curso 2009-2010.
Na presentación, que terá lugar ás 12:00 horas na Sala de Prensa do Colexio de Fonseca, o reitor referirase á nova oferta de titulacións (graos) adaptadas ao Espazo Europeo de Educación Superior.