A Tuna de Dereito, premiada no II Certame Nacional 'Ciudad de Tomares'

A Tuna de Dereito de Santiago de Compostela acadou o pasado fin de semana no II Certame Nacional de Tunas ‘Ciudad de Tomares’ (Sevilla) as mencións de Segunda Mellor Tuna, Mellor Canción Instrumental e Mellor Pandeireta. A compostelá repite así o galardón acadado no xullo pasado co premio á segunda mellor tuna do XIII Certame Internacional de Tunas ‘Barrio del Carmen’ (Murcia).
No concurso, organizado polo Colexio Maior Loyola de Granada, participaron as tunas de Enxeñaría Técnica de Madrid -gañadora do certame, do mellor pasacalles, ronda e solista-, Enxeñaría Agrónoma e Montes de Córdoba e a tuna de Bioloxía de Sevilla, que obtivo o premio ao mellor bandeira.