A Facultade de Filoloxía conmemora o luns o vixésimo aniversario da caída do muro de Berlín

Con motivo do vixésimo aniversario da caída do muro de Berlín a Biblioteca da Facultade de Filoloxía acollerá o luns 9, ás 13:00 horas, un acto conmemorativo onde, ademais de sortearse libros, os estudantes lerán poemas dos escritores da antiga DDR e relatarán experiencias.
A celebración sirve de clausura da exposición ‘Da revolución pacífica á unidade alemá’, patrocinada pola Embaixada de Alemaña en Madrid e organizada polas profesoras do Departamento de Filoloxía Inglesa e Alemá Merlinda Dalipi e Rosa Marta Gómez Pato.