A USC distribúe entre o alumnado a carta dos seus servizos académicos

O estudantado da USC disporá dende esta semana dun documento no que se explican, entre outras cuestións, os servizos académicos dos que poden botar man, os procedementos, as formas de presentación de queixas ou suxestións e o emprazamento destas unidades.
A Carta de Servizos dos Servizos Académicos Universitarios, que se repartirá gratuitamente entre a comunidade universitaria dos dous campus, presentarase este martes, 28 de abril, nunha rolda de prensa a celebrar ás 11:30 horas na Sala de Prensa do Colexio de Fonseca. Intervirán a secretaria xeral da USC, Isabel García-Rodeja, e o secretario xeral adxunto, Carlos Gómez.