Bos resultados dos xadrecistas da USC nos galegos universitarios

Os xadrecistas da Universidade de Santiago de Compostela conseguiron en xeral uns bos resultados nos campionatos galegos celebrados a pasada semana en Vigo.
Eduardo García Brión acadou o segundo lugar do certame por tras dun xadrecista de Vigo, o que o converte no campión da USC. Xunto con Eduardo tiveron un papel destacado (entre os primeiros cinco postos) Daniel Fernández Losada e Julio Torrado Quintela, cuxa clasificación outórgalles un pase directo aos Campionatos de España que terán lugar en Tarragona do 12 ao 14 de maio organizados pola Universidade Rovira i Virgili.
O equipo federado de xadrecistas da USC estivo formado ademais por Miguel Cabrero de Cabo, Iria Ares Campo, Gerardo Gil Pérez, Lorena Devesa Rarís, Greta González Campo e Maja Strikovic.
Cabe destacar tamén a boa clasificación do estudante José Miguel Santalla Pinto, que competiu en Vigo na categoría amateur.