'O barbeiro de Sevilla', na Fonoteca universitaria

A Fonoteca da Universidade proxecta este xoves, día 17, a partir das 18:00 horas, a ópera cómica ‘O barbeiro de Sevilla’, de Rossini, nunha actividade enmarcada no ciclo semanal Música en Imaxes.
Na cinta, dirixida por Jean-Pierre Ponnelle, participan como intérpretes Hermann Prey, Teresa Berganza e Luigi Alba coa orquestra e coro do Teatro Alla Scala, baixo a dirección de Claudio Abbado.