Os decanos de Odontoloxía debateron na USC sobre os novos planos de estudos

Con motivo dos actos de celebración dos 25 anos dos estudos de Estomatoloxía e Odontoloxía na USC, a Facultade de Medicina e Odontoloxía acolleu este venres a Conferencia Nacional de Decanos desta titulación. Destinada a tratar a implantación dos novos plans de estudos, a xornada inaugurouse na Sala de Profesores nun acto presidido polo vicerreitor de Oferta Docente e Espazo Europeo de Educación Superior, Máximo Plo.
Formación docenteCoincidindo con este encontro, a Facultade organizou no Salón de Actos a xornada ‘Os novos plans de estudos de grao: Odontoloxía. Unha visión interuniversitaria’ enmarcada no programa de Formación e Innovación Docente e dirixida ao profesorado e comisión redactora do novo plan de estudos do grao de Odontoloxía da USC.
A xornada comezou cunha intervención do profesor Celso Rodríguez que ofreceu unha visión xeral da cuestión, para continuar cunha charla de Pedro Diz e Inmaculada Tomas sobre posibles deseños alternativos do plan desta titulación.
Xa pola tarde desenvólvese unha mesa redonda co fin de ofrecer unha visión interuniversitaria e na que participan decanos das universidades Complutense e Europea de Madrid, Oviedo, Porto (Portugal) e a presidenta de Asociación Nacional de Estudantes de Odontoloxía.