O ciclo 'Música en imaxes' comeza este curso coa película Al Jolson: The jazz singer

A Fonoteca Universitaria renova este xoves, 2 de outubro, o seu ciclo de cinema ‘Música en imaxes’ coa película Al Jolson: The jazz singer (O cantante de jazz). Con entrada libre, a proxección será ás 18:00 horas na sede da Fonoteca, na Facultade de Ciencias da Comunicación.
O filme está dirixido por Alan Crosland, con música e dirección da Vitaphone Orchestra por Louis Silvers. Trátase da edición conmemorativa no seu 80 aniversario.