Un equipo da USC gaña o Premio de Investigación do V Simposio Nacional de Enfermidades de Depósito Lisosomal

O equipo da Unidade de Diagnóstico e Tratamento dos Erros Conxénitos do Metabolismo da USC acadou este fin de semana o Premio de Investigación do V Simposio Nacional de Enfermidades de Depósito Lisosomal celebrado en Barcelona baixo os auspicios do Ministerio de Sanidade.
No traballo premiado, titulado ‘Cribado neonatal de enfermidade de Fabry. Resultados do primeiro estudo piloto’, colaboraron os doutores C. Colón, J. Moure, P. Raña, F. Barros, J. A. Cocho, J. R. Alonso-Fernández e J. M. Fraga, dos Departamentos de Pediatría do Hospital Clínico Universitario de Santiago (CHUS), da Facultade de Medicina da USC e da Fundación Galega de Medicina Xenómica.