Unhas xornadas analizan este xoves o control deontolóxico do avogado

O control deontolóxico do avogado centrará a xornada que, organizada pola Escola de Práctica Xurídica de Santiago, se impartirá no Colexio de Avogados este xoves 11. Coa análise das infraccións e sancións mais habituais repasaranse os principios da doutrina xurisprudencial e administrativa do Consello da Avogacía Galega en materia de procedemento disciplinario.
A xornada dará comezo ás 19:30 horas e correrá a cargo dos avogados Sergio Aramburu e Manuel Arza. Poden asistir os membros do ICA de Santiago e demais profesionais do dereito, así como os alumnos das escolas de práctica xurídica e da licenciatura de Dereito.