O Persoal de Administración e Servizos e o Docente e Investigador da USC elixiron aos seus representantes sindicais nos Comités de Empresa e na Xunta de Persoal

O Persoal de Administración e Servizos e o Docente e Investigador da Universidade de Santiago elixiron este mércores aos seus representantes nos Comité de Empresas e nas Xuntas de Persoal, tanto do Campus de Santiago como do de Lugo. Os colectivos con dereito a exercer o voto nestas eleccións sindicais foron os de PDI funcionario e laboral, e o PAS funcionario e laboral, este último articulado en Técnicos e Administrativos e Especialistas e non Cualificados.
Xunta de Persoal do PDISegundos os datos provisorios, a Xunta de Persoal Docente e Investigador quedaría conformada por sete delegados de CIG, cinco de CCOO e outros tantos de CSI-CSIF e catro de UGT.
Xunta de Persoal do PASPolo que respecta ao Persoal de Administración e Servizos funcionarios, integrarían a Xunta de Persoal oito representantes de CIG, tres de TGU e dous, respectivamente para CCOO e CSI-CSIF.
Comité de Empresa PDIO Comité de Empresa do PDI en Santiago integrarano cinco delegados de CCOO e outros tanto de CSI-CSIF, catro de CIG e tres de UGT. Polo que respecta ao Campus de Lugo, os votos outorgáronlle catro representantes a UGT, tres a CCOO e dous a CIG.
Comité de Empresa PASO Persoal de Administración e Servizos do Campus de Santiago estará representado no Comité de Empresa por sete delegados de CCOO e outros tantos de CIG, seis de UGT e un de CSI-CSIF. Finalmente, o Comité de Empresa do PAS en Lugo estará formado por seis delegados de CIG e tres de CCOO.