A USC clasificouse no terceiro posto da primeira fase do Campionato de España universitario de voleibol feminino

As xogadoras da USC clasificáronse no terceiro posto da primeira fase do Campionato de España universitario de voleibol feminino organizado pola Área de Deportes da Vicerreitoría de Cultura no Pavillón Polideportivo da USC. Na competición, na que venceu o equipo da Politécnica de Barcelona, enfrontáronse as universidades da Rioxa, Navarra, Cantabria e As Palmas, ademais dos outros dous equipos xa mencionados. O equipo gañador desta etapa pasará á fase final deste campionato que se disputará en breve.
Para participar nestas competicións de clasificación estatal, as xogadoras da USC tiveron que gañar con anterioridade aos equipos das universidade de Vigo e A Coruña no Campionato de Galicia universitario de voleibol feminino celebrado o pasado día 7 deste mes nas instalacións situadas no Campus Sur do centro docente compostelá.