O director da Área TIC da USC participou en Granada nun seminario que analiza a posta en marcha en España de procesos de ensinanza virtual de calidade

O director da Área de Tecnoloxías da Información e das Comunicacións da USC, Javier Franco Tubío, participou este venres 2 na Universidade de Granada no seminario ‘Avaliación da calidade e acreditación: Como se trata o tema das TIC no ensino universitario?’.
Javier Franco interveu xunto ao coordinador do subgrupo de Traballo de Indicadores TIC da Universidade de Almería, Antonio Fernández, nunha sesión de charla e debate sobre as TIC no ámbito universitario español.
Este seminario enmárcase na fase final do proxecto europeo da convocatoria eLearning MASSIVE, que coordina a Universidade de Granada, e ao longo do que se deseñou e puxo en práctica un modelo metodolóxico de avaliación por pares co obxectivo de ofrecer apoio e asesoramento á posta en práctica do eLearning nas universidades tradicionais do ámbito europeo.
O encontro pretende ser un punto de encontro para aquelas persoas implicadas na posta en marcha de procesos de ensinanza virtual de calidade en España.