Integrantes da Asociación de Antigos Alumnos e Amigos da USC visitan esta fin de semana o Museo Pedagóxico de Galicia

Un grupo de integrantes da Asociación de Antigos Alumnos e Amigos da USC (AAAAUSC) visitará este sábado 24 ás 12:00 horas as instalacións do Museo Pedagóxico de Galicia, entidade encargada de promover e desenvolver a recuperación do legado pedagóxico galego.
Durante preto de dunha hora e media, a comitiva coñecerá as particularidade do centro museístico especializado en materia educativa e visitarán a exposición temporal ‘150 Anos da Lei Moyano’ baseada na introdución da experimentalidade no ensino.