Veredicto do xurado do Certame de Pintura 150 aniversario da Facultade de Farmacia

O xurado do Certame de Pintura ‘150 aniversario da Facultade de Farmacia’ fará público o seu veredicto este xoves, día 29, na Facultade de Administración e Dirección de Empresas, ás 11:30 horas. Este concurso está organizado polo centro homenaxeado e a Vicerreitoría de Cultura.
Son un total de 42 cadros de diferentes estilos e formatos e de temáticas diversas os que se presentan a este concurso. As obras poden verse, entre as 9:00 e as 21:00 horas, na exposición aberta nos vestíbulos da facultade lucense, onde se dará a coñecer o resultado.
O xurado reunirase pola mañá para escoller aos gañadores, que recibirán dous galardóns na categoría de pintura, dotados con 1.500 e 1.000 euros cada un, e outros dous en debuxo, de 1.000 e 500 euros.