A Área de Deportes do Campus de Lugo inicia este ano unha escola de Tenis

A Área de Deportes do Campus de Lugo ten previsto iniciar unha escola de Tenis dirixida polo Club Atlético Muralla de Lugo para os membros da comunidade universitaria. Os grupos deberán ser de 6 persoas segundo o seu nivel de xogo, comezando as clases o vindeiro 5 de marzo.
Os cursos desenvolveránse nas pistas descubertas da Facultade de Ciencias, os luns e mércores en horario de 16:00 a 19:00 horas e variarán o seu prezo en función das horas impartidas á semana. No caso de ser unha hora e media habería que abonar 15 euros ao mes e no caso de tratarse de 3 horas á semana o custe ascendería a 30 euros.