Os profesores Luis Caramés e María Cadaval expuxeron en Murcia o documento sobre os Custes de Capitalidade
O traballo serviu de base para as negociacións de financiamento de Santiago como capital de Galicia
O catedrático Luis Caramés, director executivo do Plan Estratéxico de Santiago de Compostela, e a profesora María Cadaval, tamén da USC, expuxeron en Murcia, na Caja de Ahorros del Mediterráneo, o documento que elaboraron sobre os Custes de Capitalidade que serviu de base para as negociacións de financiamento de Santiago como capital de Galicia.
Caramés e Cadaval subraiaron en Murcia, rexión que está iniciando a discusión dunha lei de capitalidade, que, más aló dos datos cuantitativos, un elemento fundamental no caso galego ten sido o consenso político entre todos os grupos.