A Área de Deportes da USC organiza no mes de xuño catro rutas por diversos lugares de Compostela

A Área de Deportes da Universidade de Santiago organiza para o vindeiro mes de xuño un total de catro rutas por diversos lugares de Compostela. A primeira cita o xoves, día 7 de xuño, para percorrer a zona sur do Pedroso, saíndo ás 17:00 horas dende o Campus Sur.
O programa de saídas continuará á semana seguinte, o venres 15, cunha ruta pola zona norte do Pedroso. A saída está prevista igualmente para as 17:00 horas dende o Campus Norte. Xa o xoves 21 de xuño, as persoas inscritas realizarán unha ruta pola zona do Ramaño para rematar o venres 29 de xuño cun último percorrido polos parques e xardín de Compostela.
As persoas interesadas en inscribirse nestes percorridos deberán facelo a partir do vindeiro luns 28 nas Oficias da Área de Deportes (Piscina Universitaria). O importe da inscrición é de 12,00 euros para o total das rutas e de 6,00 euros para quen decida acudir a dous recorridos.