Continúa aberto o prazo do inscrición para o curso 'Emprender no Campus de Lugo, unha realidade ao teu alcance'

A Área de Autoemprego do Campus de Lugo organiza coa colaboración da Asociación de Jóvenes Empresarios de Lugo a cuarta edición do curso ‘Empreder no Campus de Lugo unha realidade ao teu alcance’, que se celebrará entre os días 30 de outubro e 14 de novembro na Facultade de Administración e Dirección de Empresas.
Os asistentes a este curso de perfeccionamento, que pretende incrementar a vocación empresarial entre os membros da comunidade universitaria, traballarán a través das propias vivencias persoais de emprendedores aspectos como a xeración e maduración de ideas empresariais e tratarán de romper os mitos sobre as persoas que crean empresas. Ademais, aos participantes concederáselles un título de Formación Continua e dous créditos de libre configuración para todas as titulacións da USC. Os interesados deben inscribirse na Área de Autoemprego do Campus de Lugo situada no Edificio CACTUS, a matrícula ten un custe de 30 euros.
A Área de Autoemprego, organiza ademais, durante os meses de outubro e decembro unhas xornadas sobre sensibilización empresarial nas diferentes Facultades e Escolas do Campus de Lugo. As charlas, dunha hora de duración, están dirixidas aos alumnos dos últimos cursos e nelas abordanse temas relacionados coa cultura emprendedora e se lles explica as ferramentas que oferta a USC, como xornadas, cursos, concursos, entre outros.