Festividade de San Alberte Magno, este venres en Química
O reitor Antonio López preside este venres 15, a partir das 12.00 horas, na Aula Magna Antonio Casares da Facultade de Química, o acto conmemorativo co gallo da festividade de San Alberte Magno, patrón das facultades de Bioloxía, Ciencias, Física, Matemáticas e Química.
Xunto ao reitor, está previsto que tomen parte no acto Francisco Fraga López, decano da Facultade de Ciencias; Elena López Lago, decana da Facultade de Física; Antonio Segura Iglesias, decano da Facultade de Bioloxía; Mª Elena Vázquez Cendón, decana da Facultade de Matemáticas; e Pilar Bermejo Barrera, decana da Facultade de Química.
No marco do acto, o profesor Javier Montenegro pronunciará o relatorio ‘La investigación “ES" la Docencia en la Universidad: El Caso de la Membrana Celular’. Asemade, farase entrega dos premios do concurso de fotografía ‘A Ciencia en Imaxe’.