Alumnado e profesorado de Ciencias da Comunicación réndenlle homenaxe ao xornalista Pablo López Orosa cun minuto de silencio
A iniciativa partiu dun grupo de alumnos de cuarto curso de Xornalismo do centro
Alumnos e profesores da Facultade de Ciencias da Comunicación da USC rendéronlle homenaxe ao xornalista Pablo López Orosa cun minuto de silencio que contou coas palabras do estudante Xian Lois Alcayde, compañeiro de profesión de Pablo López, con quen coincidiu na Revista Luzes. A proposta, asumida polo decanato, partiu dun grupo de alumnos de cuarto curso de Xornalismo do centro.