O reitor preside este mércores na ‘Jesús Bal y Gay’ a apertura do curso no Servizo Universitario de Residencias da USC

O reitor da USC, Antonio López Díaz, presidirá este mércores, a partir das 19.30 horas, o acto protocolario de apertura do curso no Sistema Universitario de Residencias (SUR) da institución académica compostelá, na residencia Jesús Bal y Gay do Campus de Lugo, que acolle por vez primeira esta celebración institucional.

A vicerreitora de Coordinación do Campus de Lugo, Montserrat Valcárcel; o vicerreitor de Estudantes e Internacionalización da USC, Víctor Arce, e a directora da residencia ‘Bal y Gay’, Paula Vázquez Rodríguez, tamén participarán nesta sesión inaugural, no marco da que o técnico do servizo de drogodependencias do Concello de Lugo Francisco Javier Fernández Eiros ofrecerá un relatorio sobre adicións e mocidade baixo o título ‘A xeración Millennial fronte as adicións: antigos problemas, novos enfoques’.

A residencia universitaria Jesús Bal y Gay é o único centro do Sistema Universitario de Residencias (SUR) da USC que está no Campus de Lugo. Completan este servicio nos campus de Compostela os colexios maiores Fonseca, Rodríguez Cadarso e San Clemente, e as residencias universitarias Burgo das Nacións e Monte da Condesa.