Exposición AstrónomAs

A exposición AstrónomAs mostra as aportacións de ciencia e de vida desa outra metade do universo investigador que son as mulleres. A través dunha páxina web,  www.astronomas.org, que adopta as modernas formas de mirar e aprender, ofrécense gran variedade de contidos e elementos interactivos que mostran o activo protagonismo que tiveron e teñen as mulleres nesta disciplina. O seu acceso desde calquera dispositivo electrónico permite visitala en calquera momento e desde calquera lugar.

A banda sonora da exposición e o video de presentación pódense atopar no canle de YouTube:  https://www.youtube.com/channel/UC_qfd_WEYVR8_3qizrzbCXw
onde iremos engadindo vídeos adicionais nos próximos días.

Existe tamén unha versión reducida en formato póster en castelán, galego e catalán. O próximo 29 de setembro ás 11:30 terá lugar a inauguración da versión galega no claustro alto do Colexio de Fonseca en Santiago de Compostela, onde estará durante un mes, do 29 de setembro ao 29 de outubro. Poderase visitar de luns a venres en horario de 11:00 a 14:00 e de 17:00 a 20:30.