A Facultade de Veterinaria do Campus Terra acolle unha charla sobre os programas de mobilidade da USC

A responsable da Oficina de Relacións Exteriores da USC no Campus Terra, Bárbara Rovira Casal, impartirá este xoves 9 de febreiro, ás 14:00 horas, na aula 2 da Facultade de Veterinaria, unha presentación dos diversos programas de mobilidade aos que pode acollerse o alumnado da universidade.

Nesta charla, os asistentes poderán obter información sobre o Sistema de Intercambio entre Centros Universitarios Españoles (SICUE), os convenios bilaterais dos que forma parte a USC, e o Programa Erasmus + Prácticas, cuxa finalidade consiste en contribuír a que o alumnado se adapte ás esixencias do mercado laboral a escala comunitaria e mellore a súa comprensión do contorno económico e social do país no que se atopa.