Última semana para participar na Olimpíada Solidaria de Estudo no Campus Terra da USC
A USC volve sumarse á Olimpíada Solidaria, unha campaña de sensibilización e solidariedade pola que por cada hora de estudo do alumnado contabilizada en bibliotecas dos campus de Santiago e Lugo as entidades colaboradoras desta iniciativa doarán un euro para o desenvolvemento de proxectos solidarios. Concretamente, no Campus Terra participan a Biblioteca Intercentros, así como as de Veterinaria e Formación do Profesorado.
A campaña creada pola ONGD Coopera e coordinada na USC polo Servizo de Participación e Integración Universitaria (SEPIU) rematará o próximo 5 de decembro. As entidades patrocinadoras, entidades públicas o empresas privadas, serán quen acheguen os fondos necesarios para executar os proxectos, tendo en conta o número de horas contabilizadas nas universidades participantes.
Esta ano, as horas de estudo que se contabilicen en Galicia servirán para axudar a reconstruír tres escolas de Ecuador que quedaron destruídas a causa do terremoto do pasado mes de abril: o Centro de Formación Artesanal Ángela Rosa Cevallos e as escolas Elios Puertas e Sagrada Familia. As tres atópase na provincia de Manabí, unha das máis pobres de Ecuador.