O grupo ‘As avoas de Laxe’ representan en Psicoloxía unha obra sobre os comportamentos machistas

A Facultade de Psicoloxía abriu as súas portas ao grupo teatral As avosas de Laxe que puxeron en escena unha obra especialmente dirixida a estudantes do Mestrado de Igualdade, Xénero e Educación da USC co fin de reflexionar sobre os comportamentos machistas na actualidade. Composta por nove pezas en clave de humor, a obra 'Facede o favor... pensade', versa sobre a igualdade de oportunidades, o Efecto Matilda, o homescarranchamento e sobre que o éxito depende do talento, do esforzo e do traballo, mais non do xénero.

As avoas de Laxe

Este grupo de avoas, cunha idade media que ronda os 70 anos e liderado por Matilde Montás e Loli Toja, nace como un proxecto sociocomunitario de envellecemento activo co obxectivo de mellorar a calidade de vida das persoas que o forman. Tras dous anos de pandemia, nos que non puideron compartir a súa arte co público, retoman con forza a xira de representacións desta obra que forma parte das actividades da materia 'Cambio social, Multiculturalismo e Saúde', da que son responsables os profesores Jorge García Marín, Ángeles Piñeiro Antelo e María José Sampedro Vizcaya.

Matilde Montáns e Loli Toja dirixen esta peza que conta cun elenco conformado por Mercedes Novoa,  Matilde Fraguela, José Novoa, Carmen Cousilla, Carmen Lema, Adrián Facal, Matilde Suárez, Mari Carmen Correa, Paula Pose e  Antón Carracedo.