Convocatoria de axudas para o alumnado do IV Ciclo. Curso 2024-2025

A USC, no marco das súas políticas sociais, co fin de facilitar o acceso ao estudo a todas aquelas persoas maiores de 50 anos que desexan actualizar os seus coñecementos, establece un sistema de axudas con cargo ao seu orzamento.

Poderán solicitar a exención do pagamento de prezos públicos as persoas que se matriculen na USC nun curso completo para cursar estudos no IV.º Ciclo, sempre que non teñan máis de unha materia pendente de cursos anteriores e que non teñan superados os 60 créditos necesarios para obter o Diploma Sénior en IV.º Ciclo.