Aberta a inscrición nas xornadas de iniciación ás carreiras de orientación
Desenvólvense os días 15 de novembro, 20 de decembro, o 6 de febreiro, o 20 de marzo e o 10 de abril, en horario de 16.00 a 18.00 horas
A USC en colaboración coa Federación Galega de Orientación impulsa cinco xornadas de iniciación ás carreiras de orientación que se desenvolverán os días 15 de novembro, 20 de decembro, o 6 de febreiro, o 20 de marzo e o 10 de abril, en horario de 16.00 a 18.00 horas. A inscrición xa pode formalizarse en liña.
Trátase de carreiras de orientación individuais ou por grupos, acompañados de corredores/as experimentados/as cando se precise. Para os/as corredores/as que se inicien, ou pouco experimentados, antes de empezar as carreiras (ás 15.30 horas) impartirase unha pequena introdución informativa básica sobre a orientación, o uso do mapa e do compás.
