Aberto ata o 15 de decembro o prazo para presentar candidaturas ao Programa Iacobus
A Fundación CEER Centro de Estudos Eurorrexionais Galicia-Norte de Portugal, no que participa a USC, acaba de abrir ata o 15 de decembro o prazo de presentación de candidaturas para o Programa IACOBUS 2023/24, nas modalidades de estadías de investigación e publicacións científicas. A convocatoria diríxese ao Persoal Docente e Investigador (PDI), persoal investigador pre e post doutoral e Persoal de Administración e Servizos (PAS) pertencentes a institucións de Ensino Superior da Eurorrexión.
O Programa IACOBUS ten como obxectivo principal fomentar a cooperación e o intercambio entre os recursos humanos de Universidades, outras institucións de ensino superior e centros tecnolóxicos da Eurorrexión, promovendo sinerxías e facilitando o reparto e o desenvolvemento conxunto de actividades formativas, de investigación e de divulgación.