O equipo de voleibol masculino disputará a final do Campionato de España Universitario

O equipo masculino de voleibol acaba de clasificarse para a fase final do Campionato de España Universitario que se vai disputar en Murcia entre os días 2 e 5 de maio. Logo de superar por 3 a 1 ao equipo da Universidade de Murcia no Campionato Universitario Interautonómico, o da USC enfrontarase nesta final a outros sete equipos das comunidades de Andalucía, Cataluña, Castela e León, Madrid, Valencia e ao da Universidade Católica de Murcia, anfitrioa desta fase.