Xornada sobre captura masiva de datos con perfilómetro e mapeo móbil na Escola Politécnica Superior

A Escola Politécnica Superior do Campus Terra da USC celebra este mércores 8 de marzo, entre as 10.00 e as 14.00 horas, unha sesión introdutoria aos sistemas de mapeo móbil e perfilómetro, así como á súa evolución dende o ano 2008.

As persoas que formalizaron a súa inscrición neste programa formativo, organizado pola empresa Topcon en colaboración coa EPS e co Coleixo Oficial de Enxeñaría Xeomática e Topográfica, poden participar tanto nas diferentes sesións teóricas programadas como en demostracións prácticas.

No transcurso da xornada, os asistentes recibirán formación sobre como funcionan estes sistemas e cal é o seu uso, así como verbo dos software de toma e análise de datos. Asemade, exporanse casos de éxito tanto a nivel nacional como internacional.