R2π – tRansition from linear 2 circular: Policy and Innovation ou Transición da economía lineal á circular: políticas e innovación, é un Proxecto de tres anos, correspondente á temática medioambiental de Horizonte 2020 (H2020). R2π (a R representa o radio mentras que π simboliza o círculo) comezou en decembro de 2016 e finalizará en novembro de 2019 cun financiamento total de 3 millóns de euros.
R2π busca a forma de pasar do concepto xeral de Economía Circular (EC) ao de Modelos de Negocio da Economía Circular (CEBM, polas súas siglas en inglés) buscando fallos de mercado e fallos nas políticas que dificultan a implementación, uso e aceptación dos CEBMs. A singularidade do proxecto R2π radica nunha forte orientación empresarial que vai máis alá de obxectivos medioambientais e en examinar o papel de ferramentas empresariais (innovadoras) e paquetes de políticas para promover os CEBMs.
O obxectivo do proxecto R2π é poñer de manifesto modelos de negocio sustentables para a economía circular e propoñer “paquetes de políticas” que apoien eses modelos de negocio. Para iso analizaranse una cantidade importante de estudos de caso que abarquen diferentes sectores e países, seguido dunha análise cuantitativa. O coñecemento acumulado permitirá aos socios do proxecto identificar as mellores prácticas y desenvolver o “conxunto de ferramentas R2π” e as directrices de políticas de apoio para os empresarios e responsables de políticas.
O consorcio de R2π está formado por 15 socios de 9 Estados Membro e países asociados. Inclúe tres grupos de organizacións: expertos do sector empresarial, organismos públicos así como think tanks e centros de investigación. O coordinador do proxecto é o Collaborating Centre on Sustainable Consumption and Production (CSCP) de Alemaña.
O Grupo ICEDE, da Universidade de Santiago de Compostela, será o líder do workpackage ou paquete de traballo número 4: Análise dos estudos de caso, que se centrarán nos Modelos de Negocio da Economía Circular (CEBM).
Este documento foi elaborado coa axuda financeira da Unión Europea. O contido deste documento é responsabilidade exclusiva do Consorcio R2π e en ningún caso pode considerarse que reflexe a posición da Unión Europea.
This project (R2PI) has received funding from the European Union’s Horizon 2020 research and innovation programme under the grant agreement No 730378