Presentación do ensaio 'Hasta su total exterminio', de Arnau Fernández

Arnau Fernández Pasalodos, investigador posdoutoral no Centre for War Studies do University College Dublin, presenta o mércores 12 de marzo de 2025 o ensaio Hasta su total exterminio e ofrece unha conferencia sobre a guerra irregular que estendeu a Guerra Civil ata 1952. Será a partir das 19.00 horas na Aula 13 da Facultade de Xeografía e Historia.

A guerra civil española, tradicionalmente delimitada entre os anos 1936 e 1939, continuou coa "guerra irregular, un enfrontamento de características moi diferentes que ademais se prolongou ata 1952", segundo se explica na presentación da obra. Nela, Arnau Fernández Pasalodos estuda ademais as dinámicas que determinaron o funcionamento da Benemérita durante o primeiro franquismo.