Esta guía é unha iniciativa impulsada pola Oficina de Igualdade de Xénero (OIX) e o Centro Interdisciplinario de Investigacións Feministas e de Estudos de Xénero (CIFEX) para contribuír a que as condicións laborais e materiais das mulleres da USC sexan as máis axeitadas para desenvolver a súa actividade profesional.
Esta guía diríxese ás mulleres docentes e investigadoras e aos equipos de goberno da USC e dos seus centros e ten como obxectivo ofrecer un recurso inmediato para botar luz sobre diversas medidas e boas prácticas que melloren as carreiras investigadoras, posibilitando a conciliación e mellorando a competitividade.
Esta guía divídese en varios apartados:
En primeiro lugar, descríbense as orixes da guía, que se encontran nos resultados do estudo previo sobre a fenda salarial na USC e a base normativa en materia de igualdade e conciliación no ámbito universitario.
En segundo lugar, analízase a promoción académica con perspectiva de xénero, propóñense conceptos relevantes para comprendela e ofrécense claves para lograla.
Para rematar, preséntase unha relación de boas prácticas e medidas que foron contrastadas por expertas e cargos de representación na USC.
Pódese visualizar esta guía a través da seguinte ligazón
Gender Equality Office
- Gender Equality Office. Students Pavilion. 1.st floor
- Rúa de Lope Gómez de Marzoa, 4. Campus Vida , 15782Santiago de Compostela
- 881 811 309
- oix [at] usc.gal