Antigas alumnas de Maxisterio celebran o 56 aniversario da súa diplomatura este venres en Formación do Profesorado

Antigas alumnas de Maxisterio celebrarán este venres o 56 aniversario da súa promoción de diplomatura cunha xornada de reencontro na sede universitaria luguesa. Os actos conmemorativos comezarán ás 12.00 horas do Recanto da Saudade do campus de Lugo, situado na Rúa Carballo Calero.

A comitiva de mestras desprazarase de seguido á Facultade de Formación do Profesorado do Campus Terra da USC para participar nunha recepción co decano do centro universitario, Francisco Rodríguez Lestegás, e trala que compartirán un ágape nun restaurante da cidade amurallada.