Pablo del Campo López gaña o concurso de logotipos convocado pola Facultade de Veterinaria

A proposta presentada por Pablo del Campo López ao concurso de logotipos convocado pola Facultade de Veterinaria do Campus Terra da USC resultou ser a máis valorada por parte dos membros do tribunal encargado de fallar este certame, cuxo gañador recibiu un premio en metálico de 200 euros, achegados pola empresa Her-Vei SL.

O decano da Facultade de Veterinaria da USC, Germán Santamarina Pernas, e Nuría García, en representación da empresa Her-Vei SL, foron os encargados de entregar o premio que acredita a Pablo del Campo López como gañador deste certame, no marco dun acto celebrado no Decanato do centro universitario lugués.