O libro Una genealogía de la pantalla, finalista do premio de ensaio Anagrama, presentouse en Ciencias da Comunicación

Ciencias da Comunicación acolleu este luns 23 a presentación do libro ‘Una genealogía de la pantalla: del cine al teléfono móvil’, obra do profesor e investigador Israel Márquez coa que se proclamou finalista do premio de ensaio de Anagrama. O decano deste centro Xosé Ramón Pousa foi o encargado de presentar a xornada.

A obra “examina, dende unha perspectiva xenealóxica atenta á hibidración entre tecnoloxías, medios, usos e prácticas, a prolongada historia da pantalla dende as súas orixes coa pantalla cinematográfica ata a diminuta, ubicua e global do teléfono móbil”. Como explica o autor, “coñecer a historia deste particular dispositivo técnico é hoxe máis necesario que nunca, pois a nosas vidas é xa completamente inseparable del”.