Acto de graduación da segunda promoción de titulados en Nutrición Humana e Dietética

A Facultade de Ciencias do campus de Lugo da USC acollerá este venres 17 de xullo o acto académico de graduación da segunda promoción de titulados/as en Nutrición Humana e Dietética.

O vicerreitor de Coordinación do campus de Lugo, Javier Bueno, será o encargado de presidir esta sesión, que se desenvolverá a partir das 18.00 horas, no salón de actos do citado centro universitario, no marco dun acto no que se prevé a participación de estudantes que completaron o grao en Nutrición Humana e Dietética.

O decano da Facultade de Ciencias, José Manuel Martínez Ageitos; a coordinadora do título de grao en Nutrición Humana e Dietética na USC, Olga Díaz Rubio; a alcaldesa de Lugo, Lara Méndez, e o vicepresidente da Deputación Provincial de Lugo, José Antonio García López, tamén intervirán como relatores neste acto.