Xornada de benvida a estudantes de IV Ciclo Universitario na Facultade de Formación de Profesorado

O vicerreitor de Coordinación do campus de Lugo, Javier Bueno; a directora do IV Ciclo Universitario da USC, Esther Olveira, e o coordinador no campus de Lugo deste un programa formativo aberto á participación de maiores de 50 anos, o profesor Emilio Carral Vilariño, ofrecerán unha recepción este martes 29, ás 17.00 horas, no salón de actos da Facultade de Formación do Profesorado, ao estudantado inscrito no IV Ciclo Universitario para o curso 2015-16.

A sesión, durante a que as persoas enroladas neste programa de formación de maiores da USC poderán consultar calquera tipo de dúbida ao respecto, servirá de preludio do comezo do período de formación, xa que as clases propiamente ditas desenvolveranse a partir do primeiro de outubro nos distintos centros universitarios do campus lugués.