Faleceu a profesora Mª Carmen Rodríguez González

A Universidade de Santiago de Compostela lamenta o pasamento de Mª Carmen Rodríguez González, profesora do Departamento de Historia Medieval e Moderna na Facultade de Xeografía e Historia, na que era vicedecana. Sumándose á dor dos seus familiares, compañeiros e amigos, o reitor Juan Casares mostrou o pesar da institución académica pola perda desta profesora, destacando os seus méritos docentes e de investigación. No ámbito da Historia Medieval, Mª Carmen Rodríguez desenvolvía a súa actividade investigadora dentro do grupo Sociedade, espazo e poder na Idade Media, do que era membro. O funeral na súa lembranza celebrarase, o vindeiro sábado 5 ás 12.00 horas, na Igrexa de San Francisco de Santiago de Compostela.