Nova NerdNite ou cómo toparse coa ciencia nun contexto divertido

Este xoves 7 de novembro o Kunsthalle (Rúa da Conga, 8. Santiago) será ás 22.00 horas o escenario dunha orixinal e nova sesión de NerdNite na que tres expertos da USC formularán curiosas cuestións relacionadas co seu ámbito de traballo ás que darán solución dunha maneira divertida. ‘Camiño á perdición, ou como se constrúe un cancro’ é a proposta de Anxo Vidal, director do grupo de ciclo celular e cancro do CIMUS, mentres que Miguel Vieito Villar, do grupo de investigación Marco xurídico do contexto socio-económico actual, presentará a súa charla co suxestivo título ‘Estrela da Morte, Cabaleiros Jedi e Jar Jar Binks: unha revisión xurídico-legal do universo Star Wars’. Por último, o profesor da Facultade de Ciencias da Comunicación Xaime Fandiño leva ao Kunsthalle ‘Lío, lío... moito lío’.