O Congreso Nacional de Junior Empresa celebrarase en Compostela o vindeiro mes

A Asociación Junior Empresa de Santiago (Jemsa) traerá a Compostela o vindeiro mes o Congreso Nacional de Junior Empresa que, baixo o lema ‘Imaxina o teu camiño’, reunirá a empresarios mozos de toda España, estudantes e emprendedores co obxecto de incrementar a súa formación, intercambiar ideas e traballar xuntos. Ao longo de tres días falarase sobre emprendemento e máis concretamente sobre coaching ou viveiros de empresas, entre outros asuntos. As intervencións serán abertas aos público previa inscrición. Segundo os seus promotores, o Congreso pretende ser “o evento das ideas, coas que todos poden avanzar, e considerando o emprendemento como motor de crecemento”. Ademais, o encontro suporá unha oportunidade de empuxe ao proxecto de moitas persoas que se queren iniciar ao emprendemento en Galicia, “ofrecéndolles unha senda, colaborando, contribuíndo unidos”. As persoas interesadas poden atopar máis información nas web do Congreso e de Jemsa Santiago.