Organizan unhas charlas informativas en Lugo e Santiago sobre os programas de mobilidade dispoñibles para o segundo cuadrimestre

O persoal do Servizo de Relacións Exteriores ofrecerá a vindeira semana unha serie de charlas informativas sobre os tres programas de mobilidade dispoñibles para o segundo cuadrimestre deste curso. Concretamente ofrecerase información sobre mobilidade por convenio bilateral a países extracomunitarios, Erasmus Posgrao e Erasmus Prácticas. O calendario de charlas comezará o vindeiro luns 23 ás 10.00 horas na Sala de Xuntas da Facultade de Veterinaria de Lugo e continuará o martes 24 ás 11.00 horas na Aula Magna da Facultade de Bioloxía e ás 13.30 horas no Salón de Graos de Filoloxía.